یاریدەدەری سەرۆكی حکومەتی هەرێمی كوردستان رایگەیاند، تا ئێستا بەغدا ٥٦٠ ملیار دیناری بۆ مووچەی مانگی شوبات ناردوەو نزیكەی ٣٦٠ ملیار دینار كورتهێنانیان هەیە و سبەینێش وەک وەزارەتی دارایی کۆدەبینەوە و ئامادەکاری دەکەین بۆ دابەشکردنی مووچە .
رێباز حەملان، یاریدەدەری سەرۆكی حکومەتی هەرێمی كوردستان بە کەناڵ 8ی راگەیاند: “٩٢٠ ملیارمان بۆ دابەشكردنی مووچە پێویستە، تاوەكو ئێستا وەزارەتی دارایی عێراق ٥٦٠ ملیار دیناری بۆ هەرێمی كوردستان ناردووەو بۆ دابەشكردنی مووچەی مانگی شوبات نزیكەی ٣٦٠ ملیار دینار كورتهێنانمان هەیە”.
راشیگەیاندووە: “رۆژی چوارشەممە ئەنجومەنی وەزیرانی هەرێمی كوردستان كۆدەبێتەوەو تاوتوێی بریارەكانی دادگای فیدراڵی و كردنەوەی هەژماری بانكی دەكات”.
ڕاوێژکاری سەرۆکی حکومەتی هەرێمی کوردستان لەبارەی ناردنی پارە لەبەغداوە دەڵێت، حکومەتی عێراق لەڕێگەی نامەی مۆبایلەوە ئاگاداری کردووین کەپارەیان ناردووە ، هەروەها وەک وەزارەتی دارایی حکومەتی هەرێم سبەی کۆدەبینەوە و ئامادەکاری دەکەین بۆ ڕاگەیاندنی لیستی مووچە .
