بەهۆی ڕووداوێكی هاتووچۆوە لەسەر ڕێگای كەركوك، 6 كەس بوونە قوربانی، كە یەكێكیان گیانی لەدەستداوە و 5 كەسیان بریندارن.
لە سنووری پارێزگای کەرکوک و لەسەر ڕێگای سەرەكی كەركوك – بەغدا ڕووداوێکی هاتووچۆ لەنێوان ئۆتۆمبێلیک و بارهەڵگرێکدا ڕوویداوە.
بەهۆی ڕووداوەکەوە، شەش کەس بوونە قوربانی و یەکێک لە قوربانیەکان ژنە، لەناو قوربانیەکان پێنج کەس بریندارن و بەپەلە گەیەندراونەتە نەخۆشخانە، کەسێکیش گیانی لەدەستداوە.
