توركیا ڕەتیكردووەتەوە نەوتی هەرێم بەبێ‌ رەزامەندی بەغدا هەناردەبكرێت



ئەندامێکی لیژنەی لیژنەی نەوت و غاز و سامانە سروشتیەكانی پەرلەمانی عێراق ڕایگەیاندووە، هۆكاری دەستپێنەكردنەوەی هەناردەكردنی نەوتی كوردستان، دەگەڕێتەوە بۆ ئەو گرێبەستانەی هەرێم لەگەڵ كۆمپانیا نەوتیە بیانیەكان ئەنجامیداوە.

لیژنەی نەوت و غاز و سامانە سروشتیەكانی پەرلەمانی عێراق، ئاشكرایدەكات، ئەو گرێبەستانەی هەرێمی كوردستان لەگەڵ كۆمپانیا نەوتیەكان واژۆی كردوون، یەكێكە لە دیارترین بەربەستەكانی لە بەردەم دەستپێكردنەوەی هەناردەكردنی نەوتی هەرێم.

عەدنان جابری، ئەندامی لیژنەی لیژنەی نەوت و غاز و سامانە سروشتیەكانی پەرلەمانی عێراق ڕایگەیاندووە، هۆكاری دەستپێنەكردنەوەی هەناردەكردنی نەوتی كوردستان، بۆ كێشە هونەرییەكان دەگەڕێتەوە نەك كێشەی سیاسی.

وتیشی، توركیا ڕەتیكردووەتەوە نەوتی هەرێم بەبێ‌ رەزامەندی بەغدا هەناردەبكرێت.

ئەو پەرلەمانتارە لە لێدوانێكدا بە پێگەی”مەعلومە”ی ڕاگەیاندووە، تورکیا بۆرییەكانی هەناردەكردنی نەوتی داخستووە بۆ خۆبەدوورگرتن لە سزا نێودەوڵەتیەكان، لەوانە بڕیاری ناوبژیوانی دادگای پاریسی نێودەوڵەتی.

عەدنان جابری، ئەوەشی خستەڕوو، حكومەتی فیدراڵ نەگەیشتووەتە ڕێککەوتنێکی دیاریكراو لەگەڵ حكومەتی هەرێمی كوردستان، لەبارەی دەستپێكردنەوەی هەناردەی نەوت، یەكێك لە بەربەستەكانی تر، ئەو ستایلە ئابوورییەیە كە حكومەتی هەرێم پیادەی كردووە، لە گرێبەستی لەگەڵ كۆمپانیاكانی دەرهێنان و هەناردەكردنی نەوت و جیاوازی لەگەڵ سیستمی كۆمپانیای بە بازاڕكردنی نیشتمانی “سۆمۆ”.

ئەو گرێبەستانەی هەرێم لەگەڵ كۆمپانیا نەوتیە بیانیەكان ئەنجامیداوە، یەكێكە لە دیارترین بەربەستەكانی بەردەم دەستپێكردنەوەی نەوتی هەرێم بۆ بەندەری جەیهانی توركی.

لەمڕۆوە کامێرای خاڵ بۆ خاڵ لە 18 شوێنی دیکە کەوتنە کار
پێشت لەمڕۆوە کامێرای خاڵ بۆ خاڵ لە 18 شوێنی دیکە کەوتنە کار
کەشناسی: پلەی گەرما لە چەند ناوچەیەک لە ژێر سفردایە
دواتر کەشناسی: پلەی گەرما لە چەند ناوچەیەک لە ژێر سفردایە
ەیوەندیدار