بەهۆی نالەباری کەشوهەواوە، هێڵی ئاسمانی عێراقی بە شێوەیەکی کاتی گەشتەکانی بۆ سلێمانی راگرت.
هێڵی ئاسمانی عێراقی لە ڕاگەیەندراوێکدا رایگەیاند، کەمێك بەر لە ئێستا بەهۆی خراپی باروودۆخی کەش و هەواوە یەکێک لە فڕۆکەکانی نەیتوانیوە لە فڕۆکەخانەی سلێمانی بنیشێتەوە و گەڕاوەتەوە شاری بەغداد، لە ئێستاشدا و بە شێوەیەکی کاتی گەشتەکانی بۆ سلێمانی راگرتووە.
ئاماژەی بەوەشکردووە، لە حاڵەتی هەڵوەشاندنەوەی گەشتەکان یان دەستپێکردنەوەیان و هێوربوونەوەی دۆخەکە گەشتیارەکان ئاگاداردەکەنەوە.
ماوەی دوو ڕۆژە شەپۆلێکی بارانبارینی بەخوڕ شارەکانی هەرێمی کوردستانی گرتووەتەوە و لە هەولێریش ئەمڕۆ لافاو دروست بوو، بەهۆیەوە چەند ئۆتۆمبێلێک ژێرئاوکەوتن و زیانیش بە چەند ماڵێکی شارەکە کەوت.
