سبەینێ ئەم شەپۆلە بەهێزەی باران بارین لە هەرێم ئاسایی دەبێتەوە.
بەرێوەبەرایەتى گشتى کەشناسی و بوومەلەرزەزانى بڵاویکردەوە، کەش و هەوا سبەینێ کەمێک ئاسایی دەبێتەوە و لە هەندێک ناوچە بارانی مامناوەند و لە هەندێکی تریش نمە باران دەبارێت،
بەپێی پێشبینییەکانی کەشناسی، سبەینێ لە کاتەکانی بەیانی ئاسمان نیمچە هەور دەبێت پاشان دەگۆڕێت بۆ هەوری تەواو , لە دوای نێوەڕۆ باران بارین لە ناوچە جیاجیاکان بە شێوەی نمە باران و هەندێ کات بارانی مامناوەند دەبێت , بەتایبەت لە بەشێک لە ناوچە شاخاوییەکانی سنووری پارێزگای هەولێر و سلێمانی .
ئاماژە بەوەشدەکات، پلەکانی گەرما کەمێک گۆڕانکارییان بەسەردا دێت و بەرز دەبنەوە ، بە نزیکەی 1 تــــا 2 پلە لە تۆمارکراوەکانی ئەمڕۆ .
بەپێی پیشبینییەکان پلەکانی گەرما بۆ سبەینێ هەینی بەم سێوەیە دەبێت:
بەرزترین پلەکانی گەرمای پێشبینیکراو بە پلەی سیلیزی
هەولێر : 16
سلێمانی : 16
دهۆک : 16
کەرکوک : 19
هەڵەبجە : 16
زاخۆ : 15
سۆران : 10
حاجی ئۆمەران : 6
گەرمیان : 20
