نەخۆشخانەی گشتیی شەهید رەئوف بەگ لە قەزای شارەزوور، هاووڵاتیان ئاگادار دەکاتەوە لەکاتی پێویستدا نەبێت سەردانیان نەکەن.
لە بڵاوکراوەیەکدا نەخۆشخانەکە ئاماژە بەوەدەکات، بەهۆی کۆبوونەوەی ئاوێکی زۆر لەناو وێستگەی کارەبای نەخۆشخانەکە ، بۆ ئەوەی هیچ حاڵەتێکی نەخوازراو ڕوونەدات کارەبای نەخۆشخانە لەوێستگەوە کوژاوەتەوە ،
ڕوونیشیکردۆتەوە، بەهۆی کوژاندنەوەی کارەباکە نەخۆشخانەکە کارەبای نییە ، و داوا لەهاووڵاتیان دەکات بۆ حاڵەتی زۆر پێویست نەبێت سەردانی نەخۆشخانە نەکەن .
هاوکات تیمەکانی شارەوانی و ئاگرکوژێنەوە صیانەی شارەزوور و کۆمپانیای گەردین دەست بەجێ گەیشتنە نەخۆشخانەکە و لافاوەکەیان کۆنتڕۆڵ کرد .
بەهۆی بارانی بەخوڕ و ئەو شەپۆلە بەهێزەی ڕووی لە هەرێم کردووە، بەشێک لە ناوچەکان لافاویان تێدا دروست بوو و هاوکات هەندێک لە هاووڵاتیانیش زیانیان پێگەشت.
