بانکی ناوەندی عێراق فرۆشتنی دۆلاری نەختی بۆ پێنج هێندە بەرزکردەوە و نرخەکەشی لە بازاڕدا بە جێگیری ماوەتەوە.
بانکی ناوەندی عێراق ڕایگەیاند، ئەمڕۆ سێشەممە، 241 ملیۆن و 810 هەزار و 397 دۆلاری خستە بازاڕەوە کە 219 ملیۆن و 830 هەزار و 397 دۆلاری حەواڵە بووە.
ئەوەشی خستەڕوو کە 21 ملیۆن و 980 هەزار دۆلاری بە نەخت فرۆشتووە، ئەمەش نزیکەی پێنج هێندەی ئەو بڕەیە کە دوێنی بە نەخت فرۆشرا.
سەرباری ئەوەش هێشتا نرخی دۆلار لە بازڕەکاندا بە جێگیریی ماوەتەوە و ئەمڕۆ 100 دۆلار بە 152 هەزار و 100 دینارەوە مامەڵەی پێوە دەکرێت.
