كەشناسی هۆشداری لە ڕوودانی لافاو لە هەرێم دەدات

  • 1,273 بینین

بەپێی ڕاپۆرتە كەشناسییەكان، لە كۆتایی ئەم هەفتەیەدا شەپۆلێكی زۆر بەهێزی باران بارین ناوچەكانی هەرێم دەگرێتەوە و “هۆشداری” لە ڕوودانی لافاو دەدرێت.

سیروان ساڵح، شارەزای كەشناسی بۆ (خەڵك) ڕایگەیاند، شەپۆلێکی زۆر بەهێزی بارانبارین بەڕێوەیە، ڕۆژی پێنج شەمم ەو هەینی ئەگەری لافاوی زۆر هەیە بۆ زۆربەی ناوچەکانی هەرێمی کوردستان و تەواوی ناوچەکانی گەرمیان.

پێشتریش، محەمەد كەمال، شارەزای كەشناسی بۆ (خەڵك) ئاماژەی بەوەكرد، لە ڕۆژی چوار شەممەوە کوردستان دەکەوێتە ژێر کاریگەری هەردوو نزمە پەستانی دەریای سوور و دەریای ناوەڕاست و لەگەڵ یەکگرتنیان زیاتر کاریگەریەکەیان زیاد دەکات.

وتیشی، “پێشبینی دابارینی بڕێکی زۆر لە بارانی بەخوڕ و بەفر بۆ لوتکەی چیا بڵندەکان و ڕوودانی هەورە بروسكە و تەرزە و لافاو لە چەم و دۆڵ و نزماییەکان دەکەم”.

ئەو شارەزایەی كەشناسی هۆشداری دا و وتی، “ئەم حاڵەتە ناسەقامگیرە هەتا ڕۆژی ١٧-٢-٢٠٢٤ بەردەوام دەبێت، هەر بۆیە هۆشداری دەدەین لەگەڵ چاودێری کردنی شەپۆلەکەدا و بە بەهێز مانەوەیدا ئەگەری لافاو لە ئارادایە بۆ چەم و دۆڵ و نزماییەکان و دەبێت ئامادەکاری پێشوەختە بکرێت بۆ کەمکردنەوەی زیانە پێشبینیکراوەکان “.

دواین ڕێككەوتن بۆ هەناردەكردنەوەی نەوتی هەرێم ئاشكراكرا
پێشت دواین ڕێككەوتن بۆ هەناردەكردنەوەی نەوتی هەرێم ئاشكراكرا
له‌ سلێمانی دایكێك به‌یه‌كجار چوار منداڵی بوو
دواتر له‌ سلێمانی دایكێك به‌یه‌كجار چوار منداڵی بوو
پەیوەندیدار