نەخۆشخانەی گشتی شەهیدان لە پێنجوێن ڕایدەگەیەنێت، كە بەهۆی وەرگەڕانی مینی پاسێكەوە 9 كەس بریندار بوون.
نەخۆشخانەی گشتی شەهیدان لە پێنجوێن لە ڕاگەیەنراوێكدا ئاماژەی بەوەكردووە، لەسەر ڕێگای پێنجوێن ـ سەیدسادق بەهۆی وەرگەڕانی مینی پاسێکەوە 9 کەس برینداربوون.
ڕاشیگەیاندووە، پاش ئەوەی بریندارەکان گەیەندرانە بەشی فریاکەوتنی نەخۆشخانەکەمان،لەلایەن پزیشکان و تیمی فریاکەوتن و کارمەندانی نەخۆشخانەوە کاری پێویستیان بۆ کرا و 6 لە بریندارەکان نێردرانەوە بۆ ماڵەوە.
ئاشكراشی كردووە، سیانی تریان بەهۆی ناجێگیری باری تەندرووستیان ڕەوانەی سلێمانی کران.
