بە پێچەوانەی چاوەڕوانییەکانەوە، دادگای فیدراڵی عێراق بڕیاردانی لەسەر ئەو سکاڵایە دواخست کە لە دژی یاسای هەڵبژاردنی پەرلەمانی کوردستان تۆمار کراوە.
چاوەڕوان دەکرا ئەمڕۆ یەکشەممە، دادگای فیدراڵی بڕیار لەسەر سکاڵایەك بدات کە لە لایەن زیاد جەبار ئەندامی خولی پێنجەمی پەرلەمانی کوردستان و ئامانج نەجیب شەمعون ئەندامی ئەنجومەنی پارێزگای سلێمانییەوە لەسەر یاسای هەڵبژاردنی پەرلەمانی کوردستان تۆمارکراوە و تێیدا پێنج ماددەی یاساکەیان بە نادەستووری وەسفکردووە کە تایبەتە بە کۆتای پێکهاتەکان.
بەڵام دانیشتنەکە بۆ ڕۆژی 11ی ئەم مانگە دواخرا و دادگا داوای لە كۆمیسیۆنی باڵای سەربەخۆی هەڵبژاردنەکان کرد کە زانیاری لەسەر ژمارەی دەنگدەرانی هەرێم بۆ بنێرێت.
