لە نووسراوێکدا وەزارەتی پەروەردە داوا دەکات سەرجەم پەروەردەکان لە سەرجەم پارێزگاکاندا لەڕێگەی سیستمی E-PARWARDA ەوە سەرجەم داتا و زانیارییەکانی مامۆستایانی وانەبێژانی دانەمەزراویان بۆ بنێرن.
بەپێی نوسراوەکە کە وێنەیەکی دەست- خەڵک- کەوتووە، وەزارەتی پەروەردە داوا دەکات تاوەکو بەرواری 28ی1 زانیاری و داتای تەواو لەسەر مامۆستایانی وانەبێژی دانەمەزراو لەڕێگەی بەکارهێنەری سیستمی E-PARWARDA لە قوتابخانەکاندا، لەناو سیستم تۆماربکرێت بەبێ بوونی کەم و کوڕی،
ئاماژەی بەوەشداوە، لەکاتی هەبوونی هەر کەم و کوڕییەک لە داتای وانەبێژان بەڕێوەبەر و بەکارهێنەری سیستم بەرپرسیار دەبێت و لە ئەستۆی ئەوانە،
لە نووسراوەکەدا ئاماژە بەوەشکراوە، وادەی کۆتایی بۆ پڕکردنەوە و ناردنی سەرجەم زانیارییەکان لە سیستم ڕۆژی 8ی2 دەبێت لەدوای ئەو بەروارەوە هیچ زانیارییەکی وانەبێژان ناتوانرێت تۆماربکرێت و مافی تۆماریان لە سیستمەکە نابێت، و بە مامۆستای وانەبێژی دانەمەزراو لە پەروەردە هەژمار ناکرێت.
