دادگای باڵای فیدراڵی عێراق سەرەتای مانگی داهاتوو بڕیار لەسەر ئەو سکاڵایە دەدات کە لەسەر یاسای هەڵبژاردنی پەرلەمانی کوردستان دیاری کراوە.
لە دانیشتنی ئەمڕۆی دادگای فیدراڵیدا، ڕۆژی 4ی شوبات بۆ بڕیاردان لە سکاڵای تایبەت بە هەڵبژاردنی پەرلەمانی کوردستان دەستنیشان کرا.
سکاڵاکە لەلایەن زیاد جەبار، سەرۆکی فراکسیۆنی یەکێتی لە خولی پێنجەمی پەرلەمانی کوردستان و ئامانج نەجیب شەمعوون، ئەندامى کریستیانەکان لە ئەنجوومەنى پارێزگاى سلێمانى لە دژی پێنج ماددەی یاسای هەڵبژاردنی پەرلەمانی کوردستان تۆمارکراون، کە تایبەتن بە ژمارەى کورسییەکانی پەرلەمان، یەک بازنەیی هەڵبژاردن و کورسیی کۆتاکان لە پەرلەمانى کوردستان.
