شارەزایەكی كەشناسی ڕایدەگەیەنێت، لە سبەینێوە تاوەكو یەك شەممەی داهاتوو پێشبینی هاتنی بڕێكی زۆری باران بارین دەكات و دەشڵێت: “ئەگەری ڕوودانی لافاو هەیە”.
محەمەد كەمال، شارەزای كەشناسی بۆ (خەڵك) ڕایگەیاند، هەندێ كاتی ڕۆژی پێنج شەممە و بەتایبەتی هەینی و شەممە تاوەكو ڕۆژی یەك شەممەی هەفتەی داهاتوو پێشبینی بڕێكی زۆری دابارین دەكەم لەناوچەكانی هەرێمی كوردستان.
ڕاشیگەیاند، ئەگەری هاتنی لافاویش هەیە بەتایبەتی سنوری پارێزگای سلێمانی و هەڵەبجە و ئیدارەی ڕاپەڕین و سۆران و بەشێكی ناوەڕاست و باكوور و خۆرهەڵاتی گەرمیان.
وتیشی، “ئەگەری بارینی بەفر لەناوچە كوێستانی و شاخاوییەكان هەیە لەگەڵ ڕوودانی هەندێ موفاجەئات لە ڕۆژی هەینی یان شەممە لە كەشوهەوادا”.
