ئەمڕۆ چوارشەممە، بوومەلەرزەیەکی بەهێز لە سنووری پارێزگای مەلەتی باکووری کوردستان ڕوویدا.
بەڕێوەبەرایەتی كاره‌سات و دۆخه له‌ناكاوه‌كانی تورکیا ڕایگەیاند، بوومەلەرزەکە کاتژمێر 10:55 خولەی بەیانی ئەمڕۆ لە شارۆچکەی دۆغانشەهیری سەر بە پارێزگای مەلەتی ڕوویداوە.
ئەوەشی خستەڕوو کە گوڕی بوومەلەرزەکە 4.3 پلە بووە بە پێوەری ڕێختەر.
مەلەتی یەکێك بوو لەو پارێزگایانەی باکووری کوردستان کە لە کاتی بوومەلەرزە وێرانکەرەکەی شوباتی ڕابردوو زیانێکی زۆری گیانی و ماددی بەرکەوت و تا ئێستاش شوێنەواری بوومەلەزەکە لە هەندێك ناوچە ماوە.
