سەرۆکی حکومەتی هەرێمی کوردستان لە پەیوەندییەکی تەلەفونیدا سەرەخۆشی لە هونەرمەند زەکەریا عەبدوڵڵا دەکات.
بەگویرەی راگەیەندراوێکی نوسینگەکەی ئێوارەی ئەمڕۆ سێشەممە 12/26 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە هونەرمەند زەکەریا عەبدوڵلا کرد بۆ کۆچی دوایی دایکی.
لە راگەیەندراوەکەدا هاتووە کە سەرۆکی حکومەت پرسە و سەرەخۆشی و هاوخەمی خۆی پێگەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە کەس وکار و بنەماڵەکەیان ببەخشێت.
هەروەها هونەرمەند زەکەریا عەبدوڵلا ، سوپاس و پێزانینی خۆی و بنەماڵەکەی بۆ پەیوەندیی و هاوخەمی سەرۆکی حکومەتی هەرێمی کوردستان دەربڕی.
