بەڕێوەبەرایەتی هاتووچۆی سلێمانی تایبەت بە دەرهێنان و نوێكردنەوەی مۆڵەتی شۆفێری ڕایدەگەیەنێت، بەهۆی پچڕانی هێڵی نێتۆرك لەگەڵ سێرڤەری گشتی سبەینێ سەردانمان مەكەن.
بەشی مۆڵەت لە بەڕێوەبەرایەتی هاتووچۆی سلێمانی لە ڕاگەیەنراوێكدا بۆ هاووڵاتییان ئاماژەی بەوەكردووە، بەهۆی پچڕانی هێڵی نێتۆرك لەگەڵ سێرڤەری گشتی تەنها مامەڵەی ئەو هاووڵاتییانە وەردەگرین، كە ئەمڕۆ ۱۸/۱۲/۲٠۲۲ سەردانیان كردووین و كۆدیان وەرگرتووە.
ڕاشیگەیاندووە، جگە لەو هاووڵاتییانە سبەینێ هیچ هاووڵاتییەكی تر سەردانمان نەكات بەمەبەستی نوێكردنەوەی مۆڵەتی شۆفێری.
ئاشكراشی كردووە، پچڕانی هێڵەكە تەنها پەیوەندی بە هاتووچۆی سلێمانییەوە نییە بەڵكو هەر سێ پارێزگای هەولێر و سلێمانی و دهۆك هەمان كێشەیان هەیە.
