سەرۆكی حكومەتی هەرێمی كوردستان بەبۆنەی “جەژنی لەدایكبوونی حەزرەتی مەسیح د.خ” پیرۆزبایی لە كرستیانەكانی كوردستان دەكات و ڕایدەگەیەنێت، هەرێمی كوردستان پابەندە بە پەرەپێدانی كلتووری بەیەكەوە ژیانی ئاشتییانە و پاراستنی مافی سەرجەم پێكهاتەكان.
مەسرور بارزانی، سەرۆكی حكومەتی هەرێمی كوردستان لە ڕاگەیەنراوێكدا ئاماژەی بەوەكردووە، بە بۆنەی جەژنی لەدایکبوونی حەزرەتی مەسیح (دروودی خوای لەسەر بێت)، گەرمترین پیرۆزبایی ئاراستەی سەرجەم کریستیانانی کوردستان و عێراق و جیهان دەکەم. هیوادارم لە خۆشی و شادی و ئارامیدا، ڕۆژانی جەژن و پشوو بەسەر ببەن.
ڕاشیگەیاندووە، لەم بۆنە پیرۆزەدا، پابەندبوونی هەرێمی کوردستان بە پەرەپێدانی کولتووری بەیەکەوەژیانی ئاشتییانە و و پاراستنی مافی گشت پێکهاتەکان دووپات دەکەینەوە.
دەشڵێت: “جەژنتان پیرۆز بێت و هەمیشە لە شادیدا بژین”.
