هاتووچۆی گەرمیان ئاشكرای دەكات، كە بەهۆی وەرگەڕانی ئۆتۆمبێلێكەوە، كەسێك بریندار بووە.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، ئەمشەو (دوو شەممە) لەسەر ڕێگای کەلار-باوەنور لە نزیک “قولە بەرز” ئۆتۆمبێلێکی جۆری ڕینۆ تایبەت ، وەرگەڕا، بەهۆیەوە شۆفێرەکەی بریندار بوو.
ڕاشیگەیاند، بریندارەکە بەمەبەستی وەرگرتنی چارەسەر پێویست ڕەوانەی (نەخۆشخانەی شەهید مەلا ئەحمەد) کرا لە باوەنور.
جەختیشی كردۆتەوە، لەلایەن تیمی هاتووچۆوە لێکۆڵینەوە دەستی پێکردووە سەبارەت بە چۆنیەتی و هۆکاری ڕووداوەکە.
