ئەمڕۆ یەکشەممە، نرخی ١٠٠ دۆلاری ئەمریکی بە ١٥٧ هەزار و ٤٠٠ دیناری عێراقی مامەڵەی پێوەدەکرێت، بەراورد بە ڕۆژانی ڕابردوو نرخەکەی ڕووی لە دابەزین کردووە.
هاوکات ئەمڕۆ بانکی ناوەندی بڕی ٢٤٢ ملیۆن و ٥٠٠ هەزار دۆلاری خستەبازاڕەوە، لەو بڕەش ٢٢ ملیۆن و ٥٠٠ هەزاری بە نەقد بووە، لە کاتێکدا ڕۆژی پێنجشەممە بڕی ٢٣ ملیۆن و ٦٢٤ هەزار و ٥٠٠ دۆلاری بە نەقد خستەبازاڕەوە.
وێڕای ڕێکارەکانی بانکی ناوەندی و حکومەتی عێراقی بۆ جێگیرکردنی بەهای دۆلار، بەڵام دوای چەند جارێك لە بەرزبوونەوەی نرخەكەی و ناجێگیری لە بازاڕی ئاڵوگۆڕی دراودا، دوانیوەڕۆی ئەمڕۆ نرخی دۆلار زیاتر شكا.
لە کاتێکدا لە سەرەتای ئەم مانگەدا دۆلار بەرزبوونەوەیەکی بەرچاوی تۆمارکرد و نرخی ١٠٠ دۆلاری ئەمریکی گەیشتە ١٦٧ هەزار دیناری عێراقی.
