کەشناسی هەرێمی کوردستان رایگەیاند، ئەمشەو نمە باران بۆ بارانى مام ناوەندى پچڕ پچڕ بەردەوام بێت و شەپۆلێکى بەفربارینیش ناوچەشاخاوییەکان دەگرێتەوە.
بەشی پێشبینی لە وەزارەتی گواستنەوە و گەیاندنی حکومەتی هەرێمی کوردستان بڵاویکردووەتەوە، پێشبینى دەکرێ ئەمشەو نمە باران بۆ بارانى مام ناوەندى بچڕ بچڕ بەردەوام بێت لە سەنتەرى شارەکان و لە ناوچە شاخاوییەکانى باکور و باکورى ڕۆژهەڵات بارانى مام ناوەند ببارێت.
هاوکات شەپۆلێکى بەفربارینیش ناوچە شاخاوییەکان و هەندێک لە قەزاو ناحیە نزیکەکانى ناوچەکانی وەکو ( ئامێدى و کانى ماسى و چامانکێ و حاجی ئۆمەران و مەرزی کێلی) دەگرێتەوە و پلەکانى گەرماش زیاتر نزم دەبنەوە.
هەروەها بڕی بارانبارینی ١٢ کاتژمێری رابردووشی بڵاوکردووەتەوە وزۆرترین رێژەی باران لە مێرگەسۆر باریوە کە بڕەکەی ٥٣.٦ ملمە.
