لەشاری سلێمانی، ڕۆژی شەممە، دژی هێرشەكانی سەر پارچەكانی كوردستان خۆپیشاندان ئەنجام دەدرێت.
ژمارەیەك چالاكوان لە ژێر ناوی (دەستپێشخەرانی بەرەنگاری لە كوردستان)، بڕیریانداوە ڕۆژی شەممە، 17\12\2022، لە دژی هێرشەكانی سەر چوارپاچەی هەرێمی كوردستان خۆپیشاندان ئەنجام بدەن.
نوێنەری ئەو چالاكوانانە لە كۆنفڕانسێكی ڕۆژنامەوانیدا لە شاری سلێمانی ڕایگەیاند،” لە هەر چوارپارچەی كوردستان لە دژی ماف و ئازادییەكانی گەلی كورد هێرشەكان چڕتربوونەتەوە”.
ئاماژەی بە ئەوەشكرد، “دەوڵەتانی نەیاری كورد لە دژی ژینگەو شەڕڤان و گەریلای كورد چەكی كیمیایی بەكاردەهێنن، ڕۆژانە خوێنی هاووڵاتییانی كورد لەسەر شەقام و لەنێو زیندانەكاندا دەڕێژرێت”.
