ئامێدی وەک یەکەم شارۆچکە لەسەر ئاستی هەرێمی کوردستان بووە خاوەن سیستمی پریپەیدی کارەبا.
ئەمڕۆ دووشەممە، وەزارەتی کارەبای هەرێمی کوردستان ڕایگەیاند، پرۆژەی پریپەیدی کارەبا لە سەنتەری شارۆچکەی ئامێدی جێبەجێ کرد و لە ئێستادا کاری پێ دەکرێت.
ڕوونیشیکردەوە کە ئێستا هاووڵاتییان ئامێدی “دەتوانن بە شێوەیەکی باشتر و زیاتر و دادپەروەرانەتر سوود لە کارەبا وەربگرن”.
وەزارەتی کارەبا دەربارەی سیستمەکە ڕایگەیاند، پریپەید سیستمێکی پێشکەووتووی جیهانییە و بەهۆیەوە بە شێوەیەکی دادپەروەرانە و ئابوورییانە کارەبا بەکار دەهێنرێت.
ئەوەشی خستەڕوو کە لە پلانی وەزارەتی کارەبا دایە ئەم سیستمە لەسەرانسەری هەرێمی کوردستان جێبەجێ بکات.
