ئەمڕۆ دووشەممە تانکەکانی سوپای ئیسرائیل ڕۆشتنە ناو کەرتی غەززەوە بەشێوەیەک لە ناوەڕاستەوە چوونەتە نێو شارەکەوە و کردویانە بەدووبەشەوە.
تانکەکەنی سوپای ئیسرائیل شەقامی سەلاحەدینیان لە لە گەڕەکی زەیتونی شاری غەززە داخستووە کە باکور و باشوری کەرتی غەززە پێکەوە دەبەستێتەوە، بەگوێرەی وتەی شاهیدحاڵەکان تانکەکانی ئیسرائیل ئۆتۆمبێلی هاوڵاتیانی مەدەنی بەئامانج دەگرن.
ئەوەشخراوەتەڕوو، شەڕ و پێکدادان لەنێوان فەلەستینییەکان و سوپای ئیسرائیل لە نزیک شەقامی سەلاحەدین ڕوویداوە، و تانکەکان زیاتر لە هەر ڕؤژێکی دیکە هاتوونەتە ناو کەرتی غەززەوە و گەیشتوونەتە شوێنەکانی نێشتەجێبوونی هاوڵاتییان.
دانیال هاغاری وتەبێژی سوپای ئیسرائیل لە لێدوانێکی ڕۆژنامەوانیدا ڕایگەیاند، سوپای ئیسرائیل بەگوێرەی پلانێکی داڕێژراو وردە وردە دەڕۆنە ناوەوە، وتیشی سوپاکەیان چەندین چەکداری فەلەستینییان کوشتووە.
