بەڕێوەبەرێک بۆ( خەڵک )ئاشکرای کرد، لە بەڕێوەبەرایەتی پەروەردەی ڕۆژهەڵاتەوە ئاگادار کراینەوە سبەینی چەکی شایستەی وانەبێژان بۆ مانگی ٨ خەرج دەکرێت.
ئەو بەڕێوەبەرە کە نەیویست ناوی ئاشکرا بکرێت وتی، بڕیارە سبەینی سەردانی هۆبەی ژمێریاری وانە ووتنەوە لە بەڕێوەبەرایەتی پەروەردەی ڕۆژهەڵات بکەن، بۆ وەرگرتنی چەکی شایستەی مامۆستایانی وانەبێژ، بۆ مانگی ٨ ی ئەم ساڵ.
ئەمڕۆ 29-10 مامۆستایان و بەشێک لە کارمەندانی تەندروستی و خانەنشینان و هەندێک لە فەرمانبەران، تێکەڵ بە خۆپیشاندانی مامۆستایان بوون لە بەشێک لە شار و شارۆچکەکان، بەتایبەت لە سنووری پارێزگای سلێمانی دا، دووپاتیان کردەوە درێژە بەبایکۆت دەدەن تاوەکو داواکارییەکانیان جێبەجێدەکرێت، کە ئەوانیش دابەشکردنی دوو مووچە و دامەزراندنی وانەبێژانە بە هەمیشەیی و پلەبەرزکردنەوەی فەرمانبەرانە.
