درۆنێك، كە پێدەچێت فڕۆكەی بێ فڕۆكەوانی توركیا بێت لە چیایەكی نزیك ئامێدی كەوتە خوارەوە و بەهۆیەوە ئاگر لە ناوچەكە كەوتەوە.
بەپێی وتەی شایەتحاڵانی ناوچەكە، دوانیوەڕۆی ئەمڕۆ سێ شەممە، درۆنێك لە نزیك گوندی (سەرگەلی)ی سەر بە دەڤەری ئامێدی كەوتۆتە خوارەوە و بەهۆیەوە ئاگر لە ناوچەكە كەوتۆتەوە.
تا ئێستا هیچ دامەزراوەیەكی ئەمنی و فەرمی هەرێم زانیاری سەبارەت بە “درۆن”ەكە بڵاونەكردۆتەوە، هیچ لایەنێكیش بەرپرسیارێتی خاوەندارێتی درۆنەكە و تێكشكاندنی نەگرتۆتە ئەستۆ.
