بانکی ناوەندی عێراق بڕیاریدا مامەڵەکردن لەگەڵ ڕێکخراوی “بلاک ئێکس” قەدەغە بکات ئەوەش بۆ کەمکردنەوەی مەترسییەکانی سپیکردنەوەی پارە و پارەدارکردنی تیرۆریستان.
بەپێی بەڵگەنامەیەک، کە واژۆی عەمار حەمەد خەڵەف، جێگری پارێزگاری بانکی ناوەندیی لەسەرە ئاماژە بەوەكراوە، “بە مەبەستی کەمکردنەوەی مەترسییەکانی سپیکردنەوەی پارە و پارەدارکردنی تیرۆریستان، تکایە مامەڵەکردن لەگەڵ ئەو ڕێکخراوەی کە ناوی (بڵاک ئێکس)ە قەدەغە بکەن”.
لە نامەکەدا کە ئاراستەی سەرجەم بانکە مۆڵەتپێدراوەکان و دامەزراوە داراییە نابانکییەکان کراوە، داوای ئاگادارکردنەوەی بانکی ناوەندی کراوە “ئایا ئەم ڕێکخراوە هیچ مامەڵەیەکی هەیە یان زانیارییەکی هەیە” لەگەڵ بانکەکان یان دامەزراوە داراییەکان.
