بەگوێرەی نرخی ئەمڕۆی بۆرسەی جیهانی یەک بەرمیل نەوتی خاوی برێنت بە ٩٣ دۆلار و ٢٩ سەنت مامەڵەی پێوەدەکرێت و بەراورد بە دوێنێ نرخەکەی زیاتر لە دوو دۆلار بەرزبووەتەوە.ئەمڕۆ هەینی، نرخی یەک بەرمیل نەوتی خاوی ئەمریکی (تێکساس) بە ٩٠ دۆلار و ٥٠ سەنتە و بەراورد بە دوێنێ پێنجشەممە نرخەکەی زیاتر لە دوو دۆلار بەرزبووەتەوە
لەگەڵ دەستپێکردنی گرژییەکانی نێوان فەڵەستین و ئیسرائیلدا نرخی نەوت بەشێوەیەکی بەرچاو بەرزبووەوە و پێشبینیش دەکرێت نرخەکەی زیاتر بەرزببێتەوە.
لە ماوەی ڕابردوودا نرخی نەوت گەیشتە بەرزترین ئاستی خۆی لەم ساڵدا لە سەروو ٩٧ دۆلارەوە مامەڵەی پێوەکرا، ئەوەش دوای ئەوە هات سعودیە و روسیا بڕیاریاندا تا کۆتایی کانونی یەکەمی ئەمساڵ رۆژانە یەک ملیۆن و ٣٠٠ هەزار بەرمیل نەوت لە بەرهەمهێنان کەمبکەنەوە
ئەمە لە کاتێکدایە، رێکخراوی ئۆپیک پڵەس رایگەیاند، جیهان دووچاری کەمی دابینکردنی پێویستی نەوت دەبێتەوە.
