هاتووچۆی گەرمیان ڕایدەگەیەنێت، لە كەلار ئۆتۆمبێلێك بەهۆی خێراییەوە لە كۆنتڕۆڵ دەرچووە و خۆی كێشاوە بە دوو ستوونی كارەبادا و تەنها زیانی ماددی لێ كەوتۆتەوە.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، ئێوارەی ئەمڕۆ شەممە، ئۆتۆمبێلێکی جۆری (مارسیدس ) لە قەزای کەلارەوە بەئاراستەی ناحیەی ڕزگاری ڕۆیشتووە، دوای ئەوەی کۆنتڕۆڵی لەدەستداوە خۆی بەدوو ستونی ڕووناکیدا کێشاوە و زیانی پێگەیاندوون.
ڕاشیگەیاندووە، بەهۆی ڕووداوەكەوە زیان بەر ئۆتۆمبێلەكە كەوتووە، بەڵام شۆفێر و سەرنشینەکانی سەلامەتن.
