وەزارەتی تەندرستی عێراق ڕایگەیاند، دامەزراندن بۆ دەرچوانی بەشە پزیشکییەکان دەکاتەوە و بریارەکە هەرێمی کوردستانیش دەگرێتەوە،
بەپێی ئەو بەڵگانەی وەزارەتەکە بڵاویکردۆتەوە، دەرچوانی بەشە پزیشکییەکان لە کۆلێژەکانی پزیشکی بەشەکانی( پزیشکی گشتی، پزیشکی ددان، دەرمانسازی، پزیشکی نەخۆشییەکان، تەکنیکی پزیشکی، پەیمانگاکانی تەکنیکی پزیشکی)، دادەمەزرێنن و ئەم بڕیارانەش زانکۆ حکومی و ئەهلی و زانکۆکانی هەرێمیش دەگرێتەوە.
وەزارەتەکە ڕاشیگەیاندووە، ئەم دامەزراندنە دەرچوانی ساڵانی 2021 بۆ 2023 دەگرێتەوە و بەشێوەی ڕاگەیاندنی گشتی ناوەکانیان بڵاودەکرێتەوە.
زیاتر لە 10 ساڵە دامەزراندن بە فەرمی بۆ هیچ کام لە دەرچوانی زانکۆ و پەیمانگاکان نەماوە و ئاسۆی بەهەمیشەیی کردنی گرێبەستەکان و دامەزراندنی وانەبێژان ڕوون نییە.
