ناوەندی بومەلەرزەزانی نیوزلەندا بڵاویانکردەوە ئەمڕۆ چوارشەممە بومەلەرزەیەکی بەهێز بەگوڕی ٦.٢ پلە بەپێی پێوەری ڕێختەر باشووری نیوزلەندای هەژاندووە.
ناوەندەکە لە ماڵپەڕی تایبەتی خۆی بڵاوی کردووەتەوە، بومەلەرزەکە کاتژمێر نۆ و ١٤ خولەک لە دووری ١٢٤ کیلۆمەتر لە خۆرئاوای شاری “کرایستشیرش” لە قوڵایی ١١ کیلۆمەتر ڕوویداوە.
ئاماژەبەوەکراوە، نزیکەی ١٥ هەزار کەس هەستیان بە بومەلەرزەکە کردووە، بەڵام تا ئێستا قەبارەی زیانە گیانی و مادییەکان بەهۆی بومەلەرزەکەوە ڕانەگەیەنراوە.
هەڵکەوتەی جیۆگرافی نیوزلەندا دەکەوێتە پشتێنەی ئاگرینی بومەلەرزە لەسەر دەریای هێمن کە ناوچەیەکی گرنگی ڕوودانی گۆرانە جیۆلۆجییەکانە کە بەهۆیەوە بومەلەرزە و بورکانی زۆر گەورە تێیدا دروست دەبێت.
