وتەبێژی سەرۆکی حکومەتی هەرێمی کوردستا دەڵێت، دوێنی بە سادەیی مەسرور بارزانی بە بەرپرسانی بەغدای وت: میللەتی ئێمە هیلاکەو شایەنی ئەوە نییە ئەمەی لەگەڵ بکرێت.
پێشەوا هەورامانی، وتەبێژی مەسرور بارزانی رایگەیاند، بە نیەتێکی پاک و خەمخۆرانە دوێنێ داوای مافی خەڵکت دەکرد،بێ ماندوبوون کۆبوونەوە دوای کۆبوونەوە دەتگوت با گفتوگۆ تەکنیکییەکان لەلایەک بن و قابیلی موناقەشەن و سەرەڕای ئەوەش لەسەر هەموو ژمارەکان وردەکاریت دەخستەڕوو، لەپاڵ ئەمەشدا دەتگوت ئەوە سێ مانگە خەڵکی ئێمە لەمیحنەت و ژیانێکی قورسدان.
راشیگەیاند:”بە سادەیی پێتان دەڵێم میللەتی ئێمە هیلاکەو شایەنی ئەوە نییە ئەمەی لەگەڵ بکرێت،پەرۆشی و خەمخۆریتان بۆ ئەوەی هەموومان یەکبین و یەکدەنگ و یەکڕیزبین بۆ خەمی گەلەکەمان،”.
وتیشی: شاهێدییەکە بۆ مێژوو دەیدەم و شانازییە مرۆڤ خزمەتی ئەم ئامانجە بکات کە ئێوە لەپێناویدا ئامادەن شەوو ڕۆژ بێ وەستان کاری بۆ بکەن.
ئەوە لە کاتێکدایە دوێنێ مەسرور بارزانی و شاندی حکومەتی هەرێم لە بەغدا رایانگەیاند، کۆبوونەوەیان لەگەڵ بەرپرسانی بەغدا بەرهەمدار بووە و چاوەڕوانی کۆبوونەوەی رۆژی یەکشەممەی ئەنجوومەنی وەزیارنی عێراقین لەسەر مووچە.
