پێشبینی دەکرێت مۆبایلی “ئایفۆن ١٥” کە پێدەچێت لە مانگی ئەیلولی داهاتوودا نمایش بکرێت، گرانترین مۆبایل بێت، کە تا ئێستا لەلایەن کۆمپانیای “ئەپڵ”ەوە بەرهەم هێنراوە، چونکە ڕەنگە نرخەکەی لە 2 هەزار دۆلار زیاتر بێت.
شارەزایانی بواری تەكنەلۆجیا مەزەندەیان کردووە، کە نرخی وەشانی ئایفۆن ١٥ ماکس ٢ تێرابایت بە ٢٠٩٩ دۆلار دەبێت، کە زۆر زیاترە لە خاڵی چوونە ژوورەوەی لاپتۆپێکی ماکبۆک پڕۆ بە قەبارەی ١٣ ئینج بە ١٢٩٩ دۆلار.
بۆ بەراوردکردن، نرخی ئایفۆن ١٤ پڕۆ ماکس ١ تێرابایت ساڵی ڕابردوو لە ١٥٩٩ دۆلارەوە دەستی پێکردووە.
ئایفۆنە نوێیەکە یەکەم ئایفۆن دەبێت، کە خاوەنی بیرگەی 2 تێرابایت بێت، دەنگۆی ئەوە هەیە کە تیتانیۆم و کامێرایەکی نوێکراو و چیپێکی نوێی بەهێزی تێدابێت، بڕیارە ئەپڵ لە 12ی ئەیلولدا ئایفۆن 15 نمایش بکات، بەڵام پێدەچێت وەشانی (پڕۆ ماكس) بێت تا مانگی تشرینی یەکەم بەهۆی کێشەی زنجیرەی دابینکردنەوە ڕەوانە ناکرێ.
