پۆلیسی سلێمانی تۆمه‌تبارێكی ده‌ستگیركرد كه بڕێك پاره‌و چه‌ند كه‌لوپه‌لێكی له‌ناو ئوتۆمبێلێكدا دزی بوو.
ئەمڕۆ پێنجشەممە پۆلیسی پارێزگای سلێمانی ڕایگەیاند، دوای ئەوەی هاووڵاتییەك سكاڵای یاسایی تۆماركرد كە بڕی پێنج ملیۆن دینار و كۆمپیوته‌رێك و چه‌ند به‌ڵگه‌نامه‌یه‌كی له‌ناو ئوتۆمبێله‌كه‌یدا لێ دزراوه، هێزه‌كانی پۆلیس لێكۆڵینەوە و بەدواداچوونیان بۆ دۆزینه‌وه‌و ده‌ستگیركردنی تۆمه‌تبار دەستپێكرد.
ڕوونیشیکردەوە کە دوای وەرگرتنی بڕیاری دادوەرو گەیشتن بەئەنجامی لێكۆڵینەوەكان، توانرا تۆمەتبار بدۆزرێتەوەو له‌لایه‌ن مەفرەزەكانی نوسینگه‌ی ڕۆژهه‌ڵاتی نه‌هێشتنی تاوانه‌وه دەستگیربكرێت.
لەئێستادا تۆمەتبار (هـ، م، ق لەدایكبووی 1980) كه پێشینه‌ی تاوانی هه‌یه، بەبڕیاری دادوەرو بەپێی ماددەی 446 لەیاسای سزادانی عیراقی ڕاگیراوەو دانی بەتاوانەكەیدا ناوە.
