لە هەرێمی سیدامای باشووری ئەسیوپیا دانیشتووانەكەی لەسەر خۆراكی نەریتی دەژین، یەكێك لەوانە داری مۆزی درۆزنە، كە درەختێكە لە سەر بەرزاییەكانی ئەسیوپیا گەشە دەكات.
دانیشتوانی هەرێمەكە دەناڵێنن بە دەست كەمی خۆراكەوە، بۆیە بەشێوەیەكی سەرەكی پشت بە بەرهەمەكانی داری مۆز دەبەستن.
ئیفی شاكا چالاكی نەتەوەی سیداما دەڵێت تەمەنی ئەو دارانە دەگاتە چوار ساڵ، بۆیە وەك مادەی خۆراكی سوودیان لێوەردەگیرێت.
ئاماژەی بە ئەوەشكرد بەچەند شێوازێك دەتواندرێت سوود لە داری مۆزی درۆزن وەك خۆراك وەربگیردرێت.
