بە پێی خشتەی وەزارەتی دارایی و ئابووری هەرێمی کوردستان، ئەمڕۆ 10 وەزارەت و دەستە مووچەی مانگی شەش وەردەگرن.
ئەمڕۆ پێنجشەممە، مووچەی مانگی شەشی ئەم شوێنانە دابەش دەکرێت: وەزارەتی ئەوقاف و کاروباری ئایینی، ئەنجومەنی دادوەری، دەستەی مافی مرۆڤ، دەستەی دەستپاکی، دەستەی وەبەرهێنان، دەستەی ژینگە، دەزگای مین، دەستەی ناوچە کوردستانییەکانی دەرەوەی هەرێم، کۆمسیۆنی هەڵبژاردن و دیوانی چاودێری دارایی.
بڕیارە تا ڕۆژی سێشەممەی داهاتوو مووچەی سەرجەم وەزارەتەکان دابەش بکرێت.
