ئێمە لە تۆرە کۆمەڵایەتیەکان

جیهان

بەپێی ڕێکەوتنێک ئەڵمانیا پەنابەران بۆ یۆنان دەگەڕێنێتەوە

خەڵک-

وتەبێژی وەزارەتی ناوخۆی ئەڵمانیا ڕایگەیاند، لەگەڵ یۆنان گەشتوون بە ڕێکەوتنێک سەبارەت بە گەڕاندنەوەی پەنابەران بۆ ئەو وڵاتە، ئەگەر لەوێ داوای پەنابەرییان پێشکەش کردبێت.

ئیلینۆر پیتەرمان، وتەبێژی وەزارەتی ناوخۆی ئەڵمانیا لە کۆنگرەیەکی رۆژنامەوانیدا ڕاگەیاند: لەگەڵ یۆنان گەشتووین بە ڕێکەوتنێک بۆ گەڕاندنەوەی ئەو پەنابەرانەی پێشتر لەو وڵاتە داوای پەنابەرییان پێشکەش کردووە و ئێستا لە ئەڵمانیان. ئەو پەنابەرانەشی لە یۆنانەوە بە ڕێگەی نەمسا دێنە ناو ئەڵمانیا، بە ھەمان شێوە لە ماوەی ٤٨ کاتژمێردا دەگەڕێنرێنەوە.

ناوبراو وردەکاریی زیاتری باس نەکرد و وتی، ڕاگەیاندنی وردەکارییەکان ھەڵدەگرین بۆ کاتی واژۆکردنی ڕێکەوتنەکە.

پیتەرمان ئاماژەی بەوەش کرد: لە ڕێکەوتنێکی ھاوشێوە لەگەڵ ئیتالیاش گەشتووین بە قۆناغێکی زۆر پێشکەوتوو.

ھەفتەی پێشووش ئەڵمانیا ڕێکەوتنێکی دیکەی ھاوشێوەی لەگەڵ ئیسپانیا ڕاگەیاند، ئەویش پاش ئەو ناکۆکییەی لە بارەی کەیسی پەنابەرانەوە کەوتبووە نێو ھاوپەیمانیی دەسەڵات بە سەرۆکایەتی ئەنگێلا مێرکڵ و نزیک بوو لەوەی حکومەتەکەی ھەڵبوەشێنێتەوە.

جیهان

ئێران دەست بەسەر نەوتهەڵگرێكی تردا دەگرێت

خەڵك- بەشی هەواڵ
فەرماندەی ناوچەی پێنجی هێزە دەریاییەكانی سەر بە سوپای پاسدارانی ئێران، دەستگرتن بەسەر نەوتهەڵگرێكی تردا رادەگەیەنێت لە ئاوەكانی كەنداو كە بە وتەی ئەو”250 هەزار لیتر دیزڵی هەڵگرتووە”.

ئەمڕۆ دوو شەممە، ئاژانسی دەنگوباسی (فارس)ی ئێرانی لە زاری عەمید عەلی عەزمائی، فەرماندەی ناوچەی پێنجی هێزە دەریاییەكانی سەر بە سوپای پاسداران بڵاویكردەوە”كەشتی (لنش) لە بەندەری لینكەی سەر كەنداوەوە بەڕێكەوتووە و بەرەو ئیمارات و لە دووری 20 میل لە خۆرهەڵاتی دوورگەی تەنبولكوبرا دەستبەسەركراوە”.

ئەو بەرپرسە ئێرانییە دەڵێت”تیمەكەی كەشتی لنش كە لە 11 كەس پێًكهاتووە دەستگیركراون و ڕەوانەی لایەنی دادوەریی كراون”.

كەشتی لنش كە بە وتەی فەرماندەی ناوچەی پێنجی هێزە دەریاییەكانی سەر بە سوپای پاسداران “لەبەرانبەر پارێزگەی هورمزكان لە باشووری ئێران دەستبەسەركراوە”، بە دووەم نەوتهەڵگر دادەنرێت كە لەم ماوەیەدا لەلایەن ئێرانییەكانەوە لە ئاوەكانی كەنداودا دەستبەسەردەكرێت.

بەردەوام بە لە خوێندنەوە

جیهان

ترەمپ هەڕەشەی هێرشی سەربازی دەكات

خەڵك –بەشی هەواڵ

دۆناڵد ترەمپ سەرۆكی ئەمریكا سەبارەت بەو ھێرشەی كراوەتە سەر دامەزراوە نەوتییەكانی عەرەبستانی سعودیە هەڕەشەی هێرشی سەربازی دەكات.

دۆناڵد ترەمپ لە لەتویتێكدا ڕایگەیاند، ئەوان ئامادەن ھێرشی سەربازی بكەن، كاتێك ھۆكاری ئەو ھێرشە ڕوون دەكرێتەوە، ئەوان ئامادەیی ھێرشی سەربازییان ھەیە.

ترەمپ دەڵێت “كێڵگەیەكی نەوت لە سعوودیە هێرشی كرایە سەر. هۆكارمان هەیە بۆ پشوودرێژیمان لەوەی باوەڕ بكەین ئەنجامدەری كێیە، پەیوەندیدار بە پشتڕاستكردنەوە ئێمە سەرنجمان خستۆتە سەر ئامانج و چەكەكانمان پڕن، بەڵام چاوەڕوانی ئەوە دەكەین ئەوەی لە پشت ئەنجامدانی ئەو هێرشەوەیە لە عەرەبستانەوە ببیستین”.

ڕۆژی شەممە دامەزراوەی ئارامكۆی نەوتی سعودیە بۆردومانكرا و بەهۆیەوە ئاستەنگ بۆ بەرهەمهێنانی نەوت دروستبوو.

بەردەوام بە لە خوێندنەوە

جیهان

بەریتانیا ژمارەیەك، پەنابەر دەستگیر دەكات

خەڵك – بەشی هەواڵ

 

لە سنوری شاری كێنت-ی بەریتانیا، هێزە ئەمنییەكانی ئەو وڵاتە، زیاتر لە 40 پەنابەر دەستگیركران.

بە پێی هەواڵی دەزگای لوتكە بۆ كاروباری پەنابەران، دوای ئەوەی فەرەنسا چەند كەمپێكی تایبەت بە پەنابەری لە وڵاتەكەی داخست، رێژەی كۆچ لەو وڵاتەوە بۆ بەریتانیا زیادیكردووە و بەپێی راگەیەندراوێكیش لە وەزارەتی ناوخۆی بەریتانیاوە، رۆژی یەك شەممەی رابردوو 15/9/2019، لەنزیك سنوری شاری كێنت دەستیان بەسەر چوار بەلەمی بچوكدا گرتووە كە 41 پەنابەری تێدابووەو دوو كەسیش كە وەك رێبەری ناسایی یاوەری ئەو دوو بەلەمە بوون، دەستگیركراون.

ئەم پەنابەرانە خەڵكی وڵاتەكانی (ئێران و ئەفغانستان و توركیاو مالی) بوون و هەندێكیان ژن و منداڵ بوون.

دوای دەستبەسەرداگرتنی ئەو دوو بەلەمە لەلایەن هێزەكانی بەریتانیاوە، رێكخراوە فریاگوزارییەكانی تایبەت بە كۆچ، چارەسەری سەرەتایی تەندروستیان بۆ كراوە.

پاسەوانانی سنوری دەریایی و هێزی سنوور لە بەریتاینا ڕایانگەیاندووە” پێویستی زیاتریان بە مەلەوانی ڕزگاركەر هەیە بۆ سنوری دەریایی وڵاتەكەیان و داوایان لە بەرپرسانی وڵاتەكەیان كردووە بۆ بەهاناوەچوون بۆ كۆنتڕۆڵكردنی حاڵەتە لەناكاوەكانی پەڕینەوە و نقومبوونی بەلەم و یەختی كۆچبەران، زیاتربكات.

بەردەوام بە لە خوێندنەوە

کوردستان