لە ئاکامی وەرگەڕانی ئۆتۆمبێلێك لەسەر ڕێگای هەولێر، چوار کەس بریندار بوون.
بەڕێوەبەرایەتی هاتوچۆی هەولێر ڕایگەیاند، ئێوارەی ئەمڕۆ هەینی، کرۆلایەکی تەکسی بەهۆی تیژڕۆیی لەسەر ڕێگای هەولێر-پیرمام وەرگەڕا و بە هۆیەوە چوار کەس برینداربوون.
ڕوونیشیکردەوە کە باری تەندروستی یەکێك لە بریندارەکان زۆر خراپە.
هاتوچۆی هەولێر ڕاشیگەیاند، سەیرکردنی وێنەکان و بڕی تێکشکانەکە خۆی پێت دەڵێت خێراییەکەی چەند بووە،بەداخەوە تیژڕۆیی لە پێناو تیژڕۆیی بووەتە مۆدێلێکی خراپی لێخوڕین، کە دەرەنجامەکەشی هەمیشە کارەساتە.
