کەشناسی پێشبینی دەکات پلەی گەرما لە هەرێمی کوردستان نزم بێتەوە و خێرایی با بگاتە 25 کیلۆمەتر لە کاتژمێرێکدا.
بەشی پێشبینی لە وەزارەتی گواستنەوە و گەیاندنی هەرێمی کوردستان بڵاویکردەوە، ئەمڕۆ دووشەممە، ئاسمانی کوردستان بە گشتی ساماڵ دەبێت، بەڵام لە ناوچە شاخاوییەکان پەڵە هەور دەبێت و کەمێکیش پلەی گەرما نزم دەبێتەوە.
ڕوونیشیکردەوە کە لەکاتەکانی ئێوارە ئەگەری تۆزێکی سووک هەیە لە ناوچەکانی باشووری هەرێم و خێرایى با 10 – 20 کیلۆمەتر دەبێت لە کاتژمێرێکدا.
سەبارەت بە سبەینێ سێشەممەش ڕایگەیاند، ئاسمان ساماڵ دەبێت و خێرایی با بۆ 25 کیلۆمەتر لە کاتژمێرێکدا بەرزدەبێتەوە.
ئەوەشیخستەڕوو کە پێشبینی دەکرێت گەرما بە بەراورد بە تۆمارەکانی ئەمڕۆ، 1-3 پلە نزم بێتەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 44 پلەى سیلیزى
سلێمانی : 40 پلەى سیلیزى
دهۆک : 41 پلەى سیلیزى
کەرکوک : 45 پلەى سیلیزى
هەڵەبجە : 42 پلەى سیلیزى
حاجی ئۆمەران : 29 پلەى سیلیزى
زاخۆ : 42 پلەى سیلیزى
سۆران : 39 پلەى سیلیزى
گەرمیان : 45 پلەى سیلیزى
