ئێمە لە تۆرە کۆمەڵایەتیەکان

عێراق

بەهۆی لێدوانەكانی عەبادییەوەیە
ئێران داوای ملیارێك دۆلار لە عیراق دەكات

خەڵك- بەشی هەواڵ
پەرلەمانتارێكی ئێرانی، داوای 1.1 ملیار دۆلار وەك قەربوووی دارایی لە عیراق دەكات، ئەوەش وەك وەڵامێك بۆ لێدوانەكانی حەیدەر عەبادی سەرۆك وەزیرانی عيراق كە پابەندبوونی بەغدای بە سزاكانی ئەمریكاوە راگەیاندبوو لە دژی تاران.

مەحمود سادقی پەرلەمانتاری ئێرانی لە تویتێكدا لەسەر تۆڕی كۆمەڵایەتی (تویتەر) رایگەیاندووە”دەبێت عیراق بڕی 1.100 ملیار دۆلار وەك قەرەبووی ئەو جەنگەی لە دژی ئێران بەرپای كرد، بداتە ئێران، ئێران پێشتر رەچاوی دۆخی نالەباری عیراقی كردووە، بۆیە داوای ئەو پارەیەی نەكردووە”.

ئەو پەرلەمانتارە ئێرانیە، ئیدانەی لێدوانەكانی عەبادیشی كردبوو، لەو بارەیەوە نوسیبوی:”لەئێستادا لەبری قەرەبووكردنەوە، سەرۆك وەزیرانی عیراق لەسەر رێڕەوی سزاكانی ئەمریكا لە دژی تاران رێ‌ دەكات”.

پێشتر حەیدەر عەبادی سەرۆك وەزیرانی عیراق لە وتاری هەفتانەی خۆیدا رایگەیاندبوو” ئێمە پشتیوانی لەو سزایانە ناكەین، چونكە هەڵەیەكی ستراتیژین، بەڵام ناچارین رێزییان لێبگرین”.

لە ناوەڕاستی ئەم هەفتەیەدا، سەرۆكی ئەمریكا بڕیاری خستنەوەكاری سەپاندنی سزاكانی بەسەر ئێراندا واژۆ كرد و بەپێی كارنامەكەش، سزاكانی سەر ئێران دەكەونەوە كار.

بەپێی بڕیارەكە سزاكان بە دوو قۆناغ دەسەپێنرێنەوە، قۆناغی یەكەم لە 7ی ئابی 2018 دەسـتپێكرد و لەم قۆناغەدا سزا دەخرێتە سەر بازاڕی دراوی ئێران و بازرگانیكردن بە زێڕ و كانزاكانی تر لەگەڵ ئێراندا قەدەغەدەكرێن و ڕێگەش نادرێت هیچ تەكنەلۆجیایەكی پەیوەست بە كەرتی پـیشەسازی و دروستكردنی ئۆتۆمبیل بە ئێران بفرۆشرێت.

قۆناغی دووەم بڕیارە لە 5ی تشرینی دووەمی 2018وە دەستپێبكات، لەو قۆناغەشدا هەناردەی نەوتی ئێران و ئاڵوگۆڕی بازرگانی لە ڕێگەی بەندەرەكانی ئێرانەوە قەدەغە دەكرێن.

عێراق

پەرلەمانی عیراق كۆدەبێتەوە
شێوازی دیاری كردنی سێ‌ وەزیر لەلایەن سێ‌ سەرۆكایەتیەكەوە ئاشكراكرا

خەڵك- بەشی هەواڵ
پەرلەمانتارێكی هاوپەیمانی چاكسازی پێی وایە، كە كۆبوونەوەی سێ‌ شەممەی پەرلەمان سەركەوتوو دەبێت لە تێپەڕاندنی پاشماوەی كابینە وزارییەكەی عادل عەبدولمەهدی و هاوكات شێوازی دیاری كردنی سێ‌ وەزیری (بەرگری و ناوخۆ و داد) لەلایەن سێ‌ سەرۆكایەتیەكەوە ئاشكرادەكات.

ڕیاز سعودی، ئەندامی پەرلەمانی عیراق بۆ ئاژانسی (المعلومە)ی عیراق باسی لەوەكردووە، كە كۆبوونەوەی سێ‌ سەرۆكایەتیەكەی عیراق دەتوانێت كۆتایی بە بابەتی پاشماوەی كابینە وزاریەكە بهێنێت ئەوەش لەڕێگەی گەیشتن بە ڕێكەوتن لەسەر كاندیدەكانی ئێستا یان گۆڕینیان بە كاندیدی دیكە لە دەرەوەی حزبە سیاسیەكان.

ڕاشیگەیاندووە، كە ڕۆژی سێ‌ شەممە كۆبوونەوەی پەرلەمان ئەنجام دەدرێت و پێشی وایە، “پەرلەمان سەركەوتوو دەبێت لە تێپەڕاندنی پاشماوەی كابینە وزارییەكەی عادل عەبدولمەهدی”.

وتیشی، “عادل عەبدولمەهدی كاندیدی وەزارەتی ناوخۆ دیاری دەكات و محەمەد حەلبوسی كاندیدی وەزارەتی بەرگری و بەرهەم ساڵح-یش كاندیدی وەزارەتی داد دیاری دەكەن”.

جەختیشی كردۆتەوە، چارەسەركردنی كێشە سیاسیەكان پەیوەستە بە پێشكەشكردنی سازش لەلایەن هەردوو كوتلەی بنیاتنان و چاكسازی، چونكە ئەو كاندیدانە بەبێ‌ ڕێكەوتنی ئەوان تێناپەڕن.

ئاشكراشی كردووە، باشترین بژاردە ئەوەیە، كە ئەو كاندیدانەی، كە ناكۆكیان لەسەرە لەژێر سایەی چەتری پەرلەمان لەلایەن كوتلە سیاسیەكانەوە بگۆڕدرێن، چونكە وتی، “مانەوەی ناكۆكیە سیاسیەكان دەبێتە هۆی پەكخستنی كاری حكومی و پەرلەمانی”.

بەردەوام بە لە خوێندنەوە

عێراق

لە بەسرە خۆپیشاندان دەستی پێكردەوە

خەڵك- بەشی هەواڵ
بۆ جارێكی دیكە و بۆ دووەم ڕۆژ لەسەر یەك، خۆپیشاندان لە پارێزگای بەسرە دەستی پێكردەوە و خۆپیشاندەران داوای دابینكردنی خزمەتگوزارییەكان و ئەنجامدانی چاكسازی دەكەن.

بەپێی ئەو وێنانەی چالاكوانان و بەشداربووانی خۆپیشاندانەكە بڵاویانكردۆتەوە، خۆپیشاندەران لەنزیك دیوانی پارێزگا لە ناوچەی (مەعقەل) دەستیان بە خۆپیشاندان كردۆتەوە و چەند روشمێكیان بەرزكردۆتەوە، كە تێیدا داوای ئەنجامدانی چاكسازی و كۆتایی هێنان بە پشك پشكێنە دەكەن.

خۆپیشاندەران داوای دابین كردنی خزمەتگوزارییەكان و هەلی كار دەكەن و داوای چارەسەر كردنی كێشە سیاسیەكان و دادگایی كردنی ئەو بەرپرسانە دەكەن، كە تۆمەتبارن بە گەندەڵی.

هاوكات داواش لە حكومەتی نوێی عیراق دەكەن، كە پابەندی بەڵێنەكانی بێت، كە بە هاولاتیانی پارێزگاكەیان داوە.

بەردەوام بە لە خوێندنەوە

عێراق

بە بەڵگەوە، سەدام حسێن ژنێكی ئێزدی بە منداڵێكەوە بە 10 هەزار دۆلار دەفرۆشێت

خەڵك- بەشی هەواڵ

چالاكوانان لەسەر تۆڕە كۆمەڵایەتییەكان، بەڵگەنامەیەك بڵاودەكەنەوە كە تێیدا دەردەكەوێت، چەكدارێكی داعش بە ناوی سەدام حسێن، ژنێكی ئێزدی و منداڵەكەی بە بڕی 10000 دۆلار فرۆشتووە.

بە وتەی چالاكوانان”یەكێك لە چەكدارانی داعش بە ناوی سەدام حسێن لە قەزای زاب، ژنێكی ئێزدی عیراقی و منداڵەكەی بە داعشێكی تر بە ناوی عەبدوڵڵا فرۆشتووە كە دانیشتووی قەزای شەرقاتە، لەبەرانبەریشدا بڕی 10000 دۆلاری وەرگرتووە”.

وەك لە شێوازی بەڵگەنامەكەدا دیارە، لە دەوڵەتی بەناو (خەلافەتی ئیسلامی)داعش، كڕین و فرۆشتنی مرۆڤەكان وەك كاڵایەك ئاسایی بووە و لەنێوان چەكدارەكانی رێكخراوەكەدا سەودا و مامەڵەیان پێوەكراوە.

لە مانگی حوزەیرانی ساڵی 2014، دوای ئەوەی چەكدارانی رێكخراوی داعش شاری موسڵ سەنتەری پارێزگای نەینوایان كۆنترۆڵ كرد، دەستیان گرت بەسەر زۆرێك لە ناوچەكانی دەوروبەری شارەكە، بە تایبەت ئەو ناوچانەی كە جێنیشتەجێی ئێزدی و مەسیحییەكان بوون، لەو شاڵاوە دڕندانەشدا هەزاران كچ و ژنی ئێزدییان وەك سەبایە بەدیل گیران و لە بازاڕەكانی موسڵ و رەقەدا وەك كۆیلە كڕین و فرۆشتنیان پێوەدەكرا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین