ئێمە لە تۆرە کۆمەڵایەتیەکان

عێراق

بریندارەكانیشیان لە وڵاتێك تیماركراون
داعشییەكی مەغریبی: شێخێكی قەتەری مانگانە ملیۆنێك دۆلاری بەخشیوە بە رێكخراوەكە

ب
خەڵك- بەشی هەواڵ
داعشییەك باس لەوە دەكات كە مانگانە لەلایەن شێخێكی قەتەرییەوە ملیۆنێك دۆلارییان بۆ دابین كراوە، بریندارەكانیشیان لە ئیسرائیل چارەسەر كراون.

ئەندامێكی رێكخراوی داعش لەبەردەم دادوەریی عیراقیدا رایگەیاندووە، رێكخراوەكەیان هەوڵیداوە چەكی كیمیایی لە كۆریای باكوور بكڕێت، ئاماژەی بە وەرگرتنی بڕی ملیۆنێك دۆلاری مانگانەش كردووە لەلایەن بەرەی نوسرەوە كە لەلایەن شێخێكی قەتەرییەوە بۆیان دابین كراوە.

عیسام ئەلهەنا یان (ئەبو مەنسوری مەغریبی)، ئەندازیاری كۆمپیوتەر كە تەمەنی سی و پێنج ساڵە و دانیشتووی شاری رەباتی مەغریب بووە، بەر لەوەی پەیوەندی بە رێكخراوی داعشەوە بكات، بازرگانی بە ئامێرە ئەلیكترۆنییەكانەوە كردووە، وێڕای زمانی عەرەبی، زمانەكانی ئینگلیزی و فەرەنسی و ئیسپانی دەزانێت، ئەم خەسڵەتانەش وایانكردووە لەنێو رێكخراوەكەدا رۆڵی گرنگی پێبدرێت.

عیسام ئەلهەنا لەپاش دەستگیركردنی لەلایەن هێزەكانی عیراق و لەكاتی دادگایی كردنی، بە دادوەریی عیراقی راگەیاندووە”بایەخێكی گەورەی پێدراوە و یەكێك بووە لە ئەندامانی لیژنەی هەماهەنگی دەرەوەی رێكخراوەكە، بەردەوام پەیوەندی لەگەڵ لایەنەكانی دەرەوە هەبووە، لەوانە قەتەر بۆ مەبەستی دەستبەركردنی كۆمەكی دارایی كە لەلایەن شێخ خالید سلێمانەوە پێیان دەگەیشت كە قەتەریە و مانگانە ملیۆنێك دۆلاری بۆ دابین دەكردن، وێڕای ئەوەش لایەنە ئیسرائیلییەكان لای خۆیانەوە پارەیان بۆ رەوانە دەكردن، تا بریندارەكانیان چارەسەر بكەین، هەندێك لە بریندارەكانی رێكخراوەكەش لەنێو ئیسرائیلدا چارەسەرییان بۆ دەكرا”.

دوێنێ‌ چوار شەممە، ئەو ئەندامە دەركەوتووەی داعش لەبەردەم دادوەریی عیراقیدا دانی بە تاوانەكانیدا ناوە، ئەو زانیاریی و وردەكاریانەشی بۆ دادوەران خستۆتەڕوو.

عێراق

پەرلەمانی عیراق كۆدەبێتەوە
شێوازی دیاری كردنی سێ‌ وەزیر لەلایەن سێ‌ سەرۆكایەتیەكەوە ئاشكراكرا

خەڵك- بەشی هەواڵ
پەرلەمانتارێكی هاوپەیمانی چاكسازی پێی وایە، كە كۆبوونەوەی سێ‌ شەممەی پەرلەمان سەركەوتوو دەبێت لە تێپەڕاندنی پاشماوەی كابینە وزارییەكەی عادل عەبدولمەهدی و هاوكات شێوازی دیاری كردنی سێ‌ وەزیری (بەرگری و ناوخۆ و داد) لەلایەن سێ‌ سەرۆكایەتیەكەوە ئاشكرادەكات.

ڕیاز سعودی، ئەندامی پەرلەمانی عیراق بۆ ئاژانسی (المعلومە)ی عیراق باسی لەوەكردووە، كە كۆبوونەوەی سێ‌ سەرۆكایەتیەكەی عیراق دەتوانێت كۆتایی بە بابەتی پاشماوەی كابینە وزاریەكە بهێنێت ئەوەش لەڕێگەی گەیشتن بە ڕێكەوتن لەسەر كاندیدەكانی ئێستا یان گۆڕینیان بە كاندیدی دیكە لە دەرەوەی حزبە سیاسیەكان.

ڕاشیگەیاندووە، كە ڕۆژی سێ‌ شەممە كۆبوونەوەی پەرلەمان ئەنجام دەدرێت و پێشی وایە، “پەرلەمان سەركەوتوو دەبێت لە تێپەڕاندنی پاشماوەی كابینە وزارییەكەی عادل عەبدولمەهدی”.

وتیشی، “عادل عەبدولمەهدی كاندیدی وەزارەتی ناوخۆ دیاری دەكات و محەمەد حەلبوسی كاندیدی وەزارەتی بەرگری و بەرهەم ساڵح-یش كاندیدی وەزارەتی داد دیاری دەكەن”.

جەختیشی كردۆتەوە، چارەسەركردنی كێشە سیاسیەكان پەیوەستە بە پێشكەشكردنی سازش لەلایەن هەردوو كوتلەی بنیاتنان و چاكسازی، چونكە ئەو كاندیدانە بەبێ‌ ڕێكەوتنی ئەوان تێناپەڕن.

ئاشكراشی كردووە، باشترین بژاردە ئەوەیە، كە ئەو كاندیدانەی، كە ناكۆكیان لەسەرە لەژێر سایەی چەتری پەرلەمان لەلایەن كوتلە سیاسیەكانەوە بگۆڕدرێن، چونكە وتی، “مانەوەی ناكۆكیە سیاسیەكان دەبێتە هۆی پەكخستنی كاری حكومی و پەرلەمانی”.

بەردەوام بە لە خوێندنەوە

عێراق

لە بەسرە خۆپیشاندان دەستی پێكردەوە

خەڵك- بەشی هەواڵ
بۆ جارێكی دیكە و بۆ دووەم ڕۆژ لەسەر یەك، خۆپیشاندان لە پارێزگای بەسرە دەستی پێكردەوە و خۆپیشاندەران داوای دابینكردنی خزمەتگوزارییەكان و ئەنجامدانی چاكسازی دەكەن.

بەپێی ئەو وێنانەی چالاكوانان و بەشداربووانی خۆپیشاندانەكە بڵاویانكردۆتەوە، خۆپیشاندەران لەنزیك دیوانی پارێزگا لە ناوچەی (مەعقەل) دەستیان بە خۆپیشاندان كردۆتەوە و چەند روشمێكیان بەرزكردۆتەوە، كە تێیدا داوای ئەنجامدانی چاكسازی و كۆتایی هێنان بە پشك پشكێنە دەكەن.

خۆپیشاندەران داوای دابین كردنی خزمەتگوزارییەكان و هەلی كار دەكەن و داوای چارەسەر كردنی كێشە سیاسیەكان و دادگایی كردنی ئەو بەرپرسانە دەكەن، كە تۆمەتبارن بە گەندەڵی.

هاوكات داواش لە حكومەتی نوێی عیراق دەكەن، كە پابەندی بەڵێنەكانی بێت، كە بە هاولاتیانی پارێزگاكەیان داوە.

بەردەوام بە لە خوێندنەوە

عێراق

بە بەڵگەوە، سەدام حسێن ژنێكی ئێزدی بە منداڵێكەوە بە 10 هەزار دۆلار دەفرۆشێت

خەڵك- بەشی هەواڵ

چالاكوانان لەسەر تۆڕە كۆمەڵایەتییەكان، بەڵگەنامەیەك بڵاودەكەنەوە كە تێیدا دەردەكەوێت، چەكدارێكی داعش بە ناوی سەدام حسێن، ژنێكی ئێزدی و منداڵەكەی بە بڕی 10000 دۆلار فرۆشتووە.

بە وتەی چالاكوانان”یەكێك لە چەكدارانی داعش بە ناوی سەدام حسێن لە قەزای زاب، ژنێكی ئێزدی عیراقی و منداڵەكەی بە داعشێكی تر بە ناوی عەبدوڵڵا فرۆشتووە كە دانیشتووی قەزای شەرقاتە، لەبەرانبەریشدا بڕی 10000 دۆلاری وەرگرتووە”.

وەك لە شێوازی بەڵگەنامەكەدا دیارە، لە دەوڵەتی بەناو (خەلافەتی ئیسلامی)داعش، كڕین و فرۆشتنی مرۆڤەكان وەك كاڵایەك ئاسایی بووە و لەنێوان چەكدارەكانی رێكخراوەكەدا سەودا و مامەڵەیان پێوەكراوە.

لە مانگی حوزەیرانی ساڵی 2014، دوای ئەوەی چەكدارانی رێكخراوی داعش شاری موسڵ سەنتەری پارێزگای نەینوایان كۆنترۆڵ كرد، دەستیان گرت بەسەر زۆرێك لە ناوچەكانی دەوروبەری شارەكە، بە تایبەت ئەو ناوچانەی كە جێنیشتەجێی ئێزدی و مەسیحییەكان بوون، لەو شاڵاوە دڕندانەشدا هەزاران كچ و ژنی ئێزدییان وەك سەبایە بەدیل گیران و لە بازاڕەكانی موسڵ و رەقەدا وەك كۆیلە كڕین و فرۆشتنیان پێوەدەكرا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین