شارەوانی سلێمانی ڕایگەیاند تیمەکانیان بەبەردەوامی و لەڕۆژانی جەژندا لەئەرک دابوون بۆ خاوێنکردنەوەی سار و شەقام و ناوبازاڕەکان ،
سەرۆکایەتی سارەوانی سلیمانی بڵاویکردەوە لەهەرچوار ڕۆژەکەی جەژنی قوربانی پیرۆزدا تیمەکانیان و کۆمپانیاکانی کۆکردنەوەی خۆڵ و خاشاک ماندوونەناسانە کاریانکردووە بۆ پاکڕاگرتنی سیمای شار ،
شارەوانی نووسیویەتی “لەسەر راسپاردەی بەرێز سەرۆکی شارەوانی سلێمانی هەر لە رۆژی عارفە وە تا کۆتا رۆژی جەژنی قوربانی پیرۆز تیمەکانمان لە بەشی لابردنی سەرپێچی و زیادەڕۆیی و بەشی خزمەتگوزاری وبەشی ئامێرەکان بەردەوام بوون لەکارەکانیان”
ئاماژەی بەوەشداوە کە ،تیمەکانی سەر بە سەرۆکایەتیمان و کۆمپانیاکانی کۆکردنەوەی خۆڵ وخاشاک ئەمرۆ چوارەم رۆژی جەژن ، هەستان بەپاککردنەوەی ناوچە گەشتیارییەکان و پاککردنەوەی ناوبازار و شەقامەگشتییەکان ، هەروەها تاوانەکردنی سەرپێچیەکان و لابردنی زیادەڕەوییەکان ، وەچاودێرکردنی سەرجەم ئەوشوێنانەی کە رێگەپێدرابوون بە فرۆشتنی ئاژەڵ لەماوەی چوار رۆژی جەژندا، بەمەبەستی پابەندبوون بە رێنماییەکان، لەگەڵ لابردن وتیکدانی ئەوشوێنانەی کە بە زیادەڕەوی هەستابوون بەفرۆشتن و سەربڕینی ئاژەڵ کە بە هیچ شێوەیەک رێگەپێدراو نەبوون.
