ساڵانە لەگەڵ نزیكبوونەوە لە جەژنی قوربان خواست لەسەر كڕینی ئاژەڵ بۆ جەژن و بۆ قوربانی كردن زۆر زیاددەكات و بەهۆیەوە نرخی ئاژەڵ گران دەبێت.
پەیامنێری (خەڵك) لە سلێمانی ڕایگەیاند، بەپێی وتەی ئاژەڵ فرۆشان لە مەیدانی ئاژەڵانی سلێمانی، لەگەڵ نزیكبوونەوە لە جەژنی قوربان نرخی ئاژەڵ بە زیندە قەپان و هەروەها نرخی گۆشتیش گران بووە، لەكاتێكدا پێشتر بە بڕیارێك نرخی بۆ گۆشت دیاری كرابوو.
وتیشی، “نرخی ئاژەڵ بە زیندە قەپان كیلۆی گەیشتۆتە 7 بۆ 8 هەزار دینار لەكاتێكدا ساڵی ڕابردوو بە 5 هەزار دینار بوو، هەروەها نرخی كیلۆیەك گۆشتی سوور گەیشتۆتە 18 بۆ 20 هەزار دینار”.
سبەینێ یەكەم ڕۆژی جەژنی قوربانی پیرۆزە و هاووڵاتیان ڕوو لە مەیدانەكانی فرۆشتنی ئاژەڵ دەكەن بۆ كڕیی ئاژەڵ بۆ قوربانی، كە لەدوای نوێژی بەیانی جەژنەوە دەستپێدەكات تا بانگی ئێوارەی چوارەم ڕۆژی جەژن.
