ڕاوێژكاری ئەڵمانیا لە باڵەخانەی ئەنجوومەنی وەزیران پێشوازی لە سەرۆكی هەرێمی كوردستان كرد.
ئەمڕۆ دوو شەممە، 26-06-2023، نێچیرڤان بارزانی، سەرۆكی هەرێمی كوردستان دوای چەندین دیدار و كۆبوونەوە لەگەڵ بەرپرسانی ئەو وڵاتە؛ لەگەڵ ئۆلاف شۆڵتز، ڕاوێژكاری ئەڵمانیا لە كۆبوونەوەدایە.
بەپێی زانیارییەكان، لە كۆبوونەوەكەدا شەڕی داعش، پرسی وەبەرهێنان، پەیوەندییەكانی هەولێر و بەغدا لەگەڵ بەرلین، گۆڕانكاری و پێشهاتەكانی ناوچەكە و جیهان تاوتوێ دەكرێن.
پێش ئەم كۆبوونەوەیە، سەرۆكی هەرێمی كوردستان لەگەڵ هەریەكە لە تۆبیاس لیندنەر، وەزیری دەوڵەتی ئەڵمانیا بۆ كاروباری دەرەوە؛ سڤینیا شوولتز، وەزیری هاریكاریی ئابووری و پەرەپێدانی ئەڵمانیا و سكرتێری دەوڵەت لە وەزارەتی ئابووری ئەڵمانیا كۆبووەوە.
