قائیمقامی قەزای ماوەت رایگەیاند، ژمارەی ئەو کەسانەی بەهۆی بۆردوومانەکەی ئەمڕۆی سنوری ماوەت شەهید بوون بۆ دوو کەس بەرزبووە و و پێنج کەسی دیکەش بریندار بوون.
کامەران حەسەن، قائیمقامی ماوەت رایگەیاندووە، کاتژمێر ١٢:٠٠ بۆ ١:٠٠ی نیوەڕۆی ئەمڕۆ هەینی لە لایەن فڕۆکەی بێ فڕۆکەوانەوە بۆردومانی شاخی ئاسۆس کرا بەهۆیەوە چەند هاووڵاتییەکی گوندی قامیش کە نازانرێت بۆ چ مەبەستێک چوونەتە ئەو سنورە شەهید و بریندار بوون.
ئاماژەی بەوەشکرد، شاخی ئاسۆس بارەگای پارتی کرێکارانی لێیە و داوا لە هاووڵاتیانیش دەکەین سەردانی نەکەن، چونکە مەترسیدارە.
