ئه‌مریكا پێشوازیی له سه‌ردانه‌كه‌ی میری قه‌ته‌ر بۆ عێراق ده‌كات و خۆشحاڵی خۆشی دەردەبڕێت سه‌باره‌ت به بەشداریکردنی نێچیرڤان بارزانی، سه‌رۆكی هه‌رێمی كوردستان، له‌و كۆبوونه‌وانه‌دا كردووه كه ئامانج لێی په‌ره‌دان بووه به هه‌ماهه‌نگی نێوان هه‌رێم و به‌غدا.
ئەمریکا پێشوازیی لە سەردانەکەی میری قه‌ته‌ر، شێخ تەمیم بن حەمەد ئال سانی بۆ بەغدا کرد و پشتیوانی خۆی بۆ پێكه‌وه‌یی و یه‌كگرتوویی عێراق لەگەڵ وڵاتانی عەرەبی
ئاده‌م هۆج، وتەبێژی ئەنجوومەنی ئاسایشی نیشتمانیی کۆشکی سپی، بڵاویکردووەتەوە، ئەمریکا پشتیوانیی لە سەروەری و سەربەخۆیی عێراق و پێكه‌وه‌یی و یه‌كگرتوویی وڵاته‌كه لەگەڵ ئەنجوومەنی هاوکاری کەنداو و وڵاتانی دیکەی عەرەبی دەکات، بۆ نموونه‌ی ئه‌مه‌ش هەنگاوەکانی بەغدای بۆ بەستنەوەی تۆڕەکانی وزە بە تۆڕەکانی ئەنجوومەنی هاوکاری کەنداو و ئوردن هێنایەوە.
هۆج ئاماژەی بەوەشکردووە:”هەردوو ئەم پرۆژانه‌ی ژێرخان، ته‌وه‌ری سەردانەکەی پارساڵی سه‌رۆكی ئه‌مریكا، جۆ بایدن بوون بۆ رۆژهەڵاتی ناوەڕاست و له ئێستادا بە پاڵپشتی و ئاسانکاریی ئەمریکا بەڕێوەدەچن”.
وتەبێژی ئەنجوومەنی ئاسایشی نیشتمانیی کۆشکی سپی، هه‌روه‌ها ئاماژەی بەوەداوه ئەو پڕۆژەیە لە سەرەتای ئەمساڵدا واژووكراوه لەگەڵ کۆمپانیای تۆتال ئینێرجیز کە کۆمپانیاکانی ئەمریکا و قەتەریشی تێدایه و بەشدارە لە دابینکردنی پێداویستییەکانی گازی سرووشتیی دانیشتوانی عێراق.
