ئەنتۆنی بلینکن وەزیری دەرەوەی ئەمریکا گەشتێکی دیپلۆماسی “مەترسیدار” بۆ چین دەستپێدەکات، ئەمەش لە هەوڵێکدا بۆ هێورکردنەوەی پەرەسەندنی گرژییەکانی نێوان ئەو دوو زلهێزەی جیهان.
لەدوای دەستبەکاربوونی جۆ بایدن سەرۆکی ئەمریکا، بلینکن دەبێتە باڵاترین بەرپرسی ئەمەریکا کە سەردانی چین بکات، هەروەها یەکەم وەزیری دەرەوەی ئەمریکا دەبێت کە ئەم گەشتە لە ماوەی ساڵانی ڕابردوودا ئەنجام بدات.
بەڵام ئاسۆی هەر پێشکەوتنێکی بەرچاو لەسەر ئەو پرسە بێزارکەرانەی کە ڕووبەڕووی دوو گەورەترین ئابووری هەسارەکە بوونەتەوە، زۆر کەمە، چونکە پەیوەندییەکان لە ساڵانی ڕابردوودا بە شێوەیەکی بەرچاو توندتر بوون.
دوژمنایەتی و تۆمەتەکان بە شێوەیەکی بەردەوام پەرەیان سەند بەهۆی زنجیرەیەک ناکۆکی کە کاریگەری لەسەر ئاسایش و سەقامگیری جیهانی هەیە.
سەرچاوەکان باس لەوە دەکەن کە بلینکن ڕۆژانی یەکشەممە و دووشەممە کۆبوونەوەکانی لە چین ئەنجام دەدات و لەوانەیە لەگەڵ شی جین پینگ سەرۆکی چین کۆببێتەوە.
خاڵی ناکۆکی زۆر لە نێوان ئەو دوو زلهێزەدا هەیە کە خەریکی کێبڕکێی توندن، لە قەیرانی تایوانەوە، لە دەریای باشووری چین، تا شەڕی چیپی ئەلیکترۆنی.
