مانگی ڕابردوو عێراق بە بەهای ١.٦ ملیۆن دۆلار فستقی ئێرانی هاوردەکردووە

  • 286 بینین

لە کۆتایی مانگی ئادارەوە، زیاتر لە دوو هەزار تۆن فستقی ئێرانی هەناردەی وڵاتانی جۆربەجۆر کراوە و ڕووسیا پلەی یەکەمی لە لیستی کڕیاراندا هەیە و ئیماراتیش لە پلەی دووەمدایە.

 

بەپێی دوایین ئاماری گومرگی ئێران، لە مانگی نیسانی ئەمساڵدا زیاتر لە دوو هەزار و ٣٨٠ تۆن فستق و ناوکی فستقی ئێرانی کە بەهاکەی ١٥ هەزار و ٥٥٥ هەزار دۆلارە هەناردەی ٢٤ وڵاتی جیاجیا کراوە

 

لە نێو کڕیارانی ئەم بەرهەمە ئێرانییەدا، ڕووسیا بە ٣٨٤ تۆن فستق و ناوکی فستقی ئێرانی بە بەهای ٢.٧٥٣ ملیۆن دۆلار لە ڕیزبەندی یەکەمی کڕیاران و لە دوای ئەویش ئیمارات دێت بە کڕینی زیاتر لە ٢٥٢ تۆن فستق بە بەهای زیاتر لە ٢.٥ ملیۆن دۆلار.

 

عێراق، ئەڵمانیا، تاجیکستان و قرغیزستان لە مانگی نیسانی ئەمساڵدا کڕیارە سەرەکییەکانی دیکەی فستق و ناوکی فستقی ئێران بوون، عێراق بە بەهای یەک ملیۆن و ٦٠٠ هەزار دۆلار، ئەڵمانیا یەک ملیۆن و ٣٠٠ هەزار دۆلار، تاجیکستان یەک ملیۆن و ١٠٠ هەزار دۆلار و قیرغیزستان بە بڕی یەک ملیۆن دۆلار .

 

بەپێی ئاماری گومرگی ئێران بۆ ماوەی ١٢ مانگی ڕابردوو زیاتر لە ٥٦ هەزار و ٢٩٨ تۆن فستق و ناوکی فستق هەناردەی ٥٧ وڵاتی جیاجیا کراوە کە بەهای ١١ ترلیۆن و ٥٤٧ میلیارد تمەنە کە یەکسانە بە ٤٠٥ ملیۆن و ٤٤ هەزار دۆلار.

 

جێی باسە ئەو بڕەی هەناردەی فستق بەراورد بە ساڵی ٢٠٢١ لە ڕووی نرخ و قەبارەوە دابەزینی بەرچاوی بەخۆیەوە بینیوە.

 

لە هەرێم چەند ڕێكارێكی بەپەلە بۆ خۆپارێزی لە تای خوێنبەربوون ڕاگەیەنرا
پێشت لە هەرێم چەند ڕێكارێكی بەپەلە بۆ خۆپارێزی لە تای خوێنبەربوون ڕاگەیەنرا
خەڵکی مەخمور دژی دروستکردنی بنکە سەربازین
دواتر خەڵکی مەخمور دژی دروستکردنی بنکە سەربازین
پەیوەندیدار