لە میانی زنجیرەیەك ئۆپەراسیۆنی هێزەكانی سوپای عێراقدا لە باكوور و ڕۆژئاوای ئەو وڵاتە، پێنج تیرۆریست دەستگیركران.
شانەی ڕاگەیاندنی ئەمنی سەر بە نووسینگەی سەرۆك وەزیرانی عێراق، دەستگیركردنی پێنج تیرۆریستی لە پارێزگاكانی كەركووك و ئەنبار لە باكوور و ڕۆژئاوای ئەو وڵاتە ڕاگەیاند.
شانەی ڕاگەیاندنی ئەمنی لە ڕاگەیەندراویكدا ئاماژەی بەوەداوە، هێزەكانی سەر بە بەڕێوەبەرایەتیی گشتی هەواڵگریی و ئاسایش سەر بە وەزارەتی بەرگریی لە میانی زنجیرەیەك ئۆپەراسیۆندا لە پارێزگاكانی كەركووك و ئەنبار، پێنج تیرۆریستیان دەستگیركردووە.
ڕاشیگەیاندووە كە تیرۆریستە دەستگیركراوەكان بەپێی ماددەی چواری تیرۆر داواكراوبوون.
ئەوەشی خستووەتەڕوو، تیرۆریستە دەستگیركراوەكان ڕادەستی لایەنە پەیوەندیدارەكان كراون.
