ئێمە لە تۆرە کۆمەڵایەتیەکان

کوردستان

هێزی 70ی یەكێتی ڕونكردنەوەیەكی لەسەر لادانی چەند فەرماندەیەك بڵاوكردەوە

خەڵك- بەشی هەواڵ

ماوەی چەند ڕۆژێكە میدیای فەرمی گۆڕان ڕایدەگەیەنێت، كە لە نێو لیوای 28ی پێشمەرگەدا چەند ئەفسەرێك بەهۆی بۆچۆنی سیاسییەوە لە پۆستەكانیان دورخراونەتەوە و یەكەی 70ی یەكێتیش لەوبارەوە ڕونكردنەوەیەكی بڵاوكردەوە.

لە رونكردنەوەكەدا كە لەزاری جەعفەر شێخ مستەفا، فەرماندەی یەكەی 70ی یەكێتییەوە بڵاوكراوەتەوە، هاتووە، “لە ناو هێزی پێشمەرگەی یەكەی ‌‌۷۰ بە تایبەتی لیوای ‌۲۸ كە بزوتنەوەی گۆڕان قسەی لە سەر دەكات، كە گوایە بەهۆی گۆڕانی بونی هەندێك پێشمەرگە دەركراون لە نێو هێزەكانی پێشمەرگە بە بڕیاری فەرماندەی یەكەی ۷۰ ، ئەوەی وتراوە و بیسراوە هەموی دورە لە ڕاستی، ئەمە جگە لە خۆڵ كردنە چاو، ئاژاوە نانەوە هیچی تر نیە، چونكە لەم فەرماندەی ئێمە ئەنجومەنێكمان هەیە، كە ئە و برادەرانەش لە ڕێی لیواكان یان فەرمەندەكانی هێزی پێشمەرگە داواكاری ئەدرێتە ئەو ئەنجومەنە”.

هەر لە ڕونكردنەوەكەدا هاتووە، “ئەوەندەی منیش ئاگادارم هیچ بڕیارێكم بۆ نەهاتوە لە لایەن ئەو ئەنجومەنە، كە پێشمەرگەیەك لە فڵان حیزب و لایەنێكە دورخرابێتەوە بێجگە لەوەی، كە گواسترابێتەوە بۆ شوێن و لیوایەكی تر ئەویش لەبەر هەنێ كەمو كوڕی خۆی دەنا ئەو هەواڵانە دورە لە ڕاستیەوە”.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان