“دەست بە قۆناغی دیزاین و جێبەجێكردنی پڕۆژەی ھێڵی شەمەندەفەر دەكەین”

  • 360 بینین

وەزیری ئاوەدانكردنەوە و نیشتەجێكردنی حكومەتی هەرێم ڕایدەگەیەنێت، پڕۆژەی هێڵی شەمەندەفەر ھەنگاوی گرنگی ناوە و دەمانەوێت لەساڵی داھاتو دوای كۆتایی ھاتنی قۆناغی كەڵكی ئابوری، ئامادەكاری بۆ دەستپێكردنی قۆناغی دیزاین و جێبەجێكردن بكەین.

بەپێی ڕاگەیەنراوێكی وەزارەتی ئاوەدانكردنەوە، دانا عەبدولكەریم، وەزیری ئاوەدانكردنەوە و نیشتەجێكردن لە دیوانی وەزارەت پێشوازیكرد لە ئایمان ئاشۆ، بەڕێوەبەری جێبەجێكاری كۆمپانیای سیمێنس مۆبیلیتی-ترنكی بۆ ڕۆژهەڵاتی ناوەڕاست و ئەفریقا و یوسف خەلیفە، بەڕێوەبەری جێبەجێكار ناوەند لە كۆمپانیای (دۆچەبان)ی ئەڵمانی ڕۆژهەڵاتی (ناوەڕاست و نزیك).

بەپێی ڕاگەیەنراوەكە، گفتوگۆكرا لەسەر دامەزراندنی تۆڕی شەمەندەفەر لەھەرێمی كوردستان و ھەنگاوەكان، كە لەو بوارەدا نراون و ئاڵوگۆڕی بیروڕا و زانیارییەكان كرا بەمەبەستی ئامادەكاری بۆ قۆناغی دوای كەڵكی ئابوری پڕۆژەكە، كە خۆی لە دیزاینكردن و جێبەجێ كردندا دەبینێتەوە.

وەزیری ئاوەدانكردنەوە ڕایگەیاند؛ پڕۆژەكە ھەنگاوی گرنگی ناوە و دەمانەوێت لەساڵی داھاتو دوای كۆتایی ھاتنی قۆناغی كەڵكی ئابوری، ئامادەكاری بۆ دەستپێكردنی قۆناغی دیزاین و جێبەجێكردن بكەین.

پڕۆژەی ھێڵی شەمەندەفەر لەھەرێمی كوردستان، لە ئێستادا لە قۆناغی بەھا و كەڵكی ئابوری (جدوی الاقتصادی)یە، ھەمانكات وەزارەتی ئاوەدانكردنەوە لێكتێگەیشتنێكی لەگەڵ كۆمپانیای (دۆیچەبان)ی ئەڵمانی واژۆكردوە بۆ پڕۆژەكە، كە خۆی لەدیزاین و دۆزینەوەی لایەنی ئابوری بۆ سەرپەرشتیكردنی پڕۆژەكە دەبینێتەوە لەڕووی كوالێتییەوە.

لەماڵی مام جەلال سەركردەكانی ئیدارەی دەوڵەت لەگەڵ سودانی و حەلبوسی كۆدەبنەوە
پێشتر لەماڵی مام جەلال سەركردەكانی ئیدارەی دەوڵەت لەگەڵ سودانی و حەلبوسی كۆدەبنەوە
یاریزانەكانی ئەڵمانیا لە ئیسپانیا دەپاڕێنەوە
دواتر یاریزانەكانی ئەڵمانیا لە ئیسپانیا دەپاڕێنەوە
پەیوەندیدار